Langt síðan seinast

Vit búgva so í Klaksvík nú. Í morgun hevur tað kava eitt sindur, flykrurnar bráðna so hvørt, tí vegurin er vátur. So kavin liggur í fjøllunum. Í gjárkvøldið var nógvur vindur ymsastaðni kring landið, men her var eisini nakað av vindi. Dunkar og annað gott fóru sendandi eftir vegnum. Men vit halda at vindurin má vera givin uml.13 tíðina, tí tað hoyrdist onki og bæði hava sovið sera væl, sjálvt um vindeygað var beint móti vindinum. Ella er tað bara vit sum hava góðar svøvngávur...? ;o)
Í dag fara øll á SDG við bussi til havnar at hava møti í Filadelfia. Tað verður nakað stuttligt. Vit fara úr Klaksvík kl.15.30, væntandi verður tað ikki sum í Kenya, at vit skulu bíða nakrar tímar til øll eru klár at fara.
Vit fáa eisini gestir í dag til døgurða, tað verður ordiliga deiligt. Durita, Marta og Rannvá koma at vitja, sman við foreldrunum sjálvandi. Tíðin gongur so skjótt, at tað verður ikki leingi til at tær koma sjálvar. Men tað verður kanska eisini styttri.
Sum tær plaga at siga "Mamma sigur at tit fara at búgva síðina av okkum, tá ið vit fáa nýtt hús." Ja tað verður spennandi.

Búgva nú á SDG

Ja nú eru vit so komin upp á pláss aftur í Føroyum. Vit búgva í Klaksvík, í íbúðini á Soli Deo Gloria. Her hava vit gott pláss. Vit hava sum so ikki gjørt nakað við íbúðina uttan at flyta eitt sindur runt upp á møblar. Men tað er vorðið eitt sindur hugnaligt, halda vit. Í hvussu er hugnaligari... :o)

Vit hava ikki fingið nakað starv enn. Hendrik hevur verið til onkra samrøðu, men hann helt ikki, at tað starvið riggaði heilt, nú tá ið vit vilja vera saman við teimum ungu á SDG mikukvøld og hóskvøld.

Síðan vit komu heim hava vit eisini verið á venjingarskúlanum og fortalt um Kenya. Tað var stuttligt. Vit søgdu frá um Kenya og mannarættindi og høvdu eisini onkur ting við.

Dreingirnir vóru sera áhugaðir í svørðinum, sum Hendrik hevði býtt við ein Masai við ein kepp. Ein genta tók til um tey kundu býta um, um Hendrik fekk tveir keppar :o)

Vit vóna eisini at vit fáa møguleikan at koma út aðrastaðni at fortelja um túrin í Kenya.

Heimkomin

Ja nú sita vit í Hvannasund. Tað var ein langur túrur, so tit hava onki hoyrt frá okkum. Tað var sera tungt at arbeiða hjá okkum og umstøðurnar eru nógvar broyttar. Vit vóru eisini biðin um at umhugsa støðuna, so eftir eina drúgva umhugsan, tóku vit avgerðina. Á vegnum fóru vit í brúdleyp í Hillerød, tað var eitt gott brúdleyp hjá Sólva og Ole André, sum nú eru í Tailandi í tríggjar vikur.
Mynd á myndasavni.

Vikuskifti í Nairobi

Ja fríggjamorgunin kl.6.45 løgdu vit so leidina saman við Miu og Betty til Nairobi. Høvuðsorsøkin til túrin var at okkara visum var útgingið, men so royndu vit at gera ein túr burtur úr tí. Nú kemur ferðlagið, sum skuldi koma til Kenya í mars jú ikki vegna ófriðin. Aftaná at vit vóru farin úr býnum, var øll ferðsla blokerað, og ófriður breyt út í Nakuru. Tað gekk sera harðliga fyri seg. Tað var so útigongubann fríggjakvøldið. Men í dag, sunnudag, eru vit so komin aftur og ferðsla er til, frá og í gjøgnum býin.
Vit fingu boð um at tað vóru blokeringar á vegnum til Nakuru, meðan vit koyrdu, men førarin fekk fortalt frá mótkoyrandi bilum at politiið var har. Tað sá út til at hava verð sera rokaligt við Naivasha og har á leið. Grót á vegnum og brendar forðingar.
Vit eru sera glað fyri at vera aftur í Nakuru. Vit eru hjá Malenu og Jens og vera her til ófriðurin er av. Túrurin var góður og vit fingu orna okkara ting. Hóast vit føldu okkum øgiliga illa, tá ið vit vóru inni á kontórinum, har vit skuldu fáa longt visum. Tað er fyrstu ferð at vit hava møtt rasismu her úti. Tað var sera óbehagiligt. Men nú vit tað so gott :o)

Dialogur i gongd i dag

Sum tit moguliga hava hoyrt i tidindunum, so er Koffi Annan saman vid odrum komin til Kenya fyri at leida samradingarnar millum smgongu og andstodu. I gjar mottu tey so Raila Odinga, leidaran fyri ODM. Og aetlanin var eisini at mota Kibaki forseta, men so bleiv ikki. Men sagt var at fundurin var fluttur til i dag. I dag er eisini dagurin teir badir, Raila og Kibaki, skulu motast til fundar fyri fyrstu ferd fyri uttan tingsetanina. Tad hava veri aetlanir um fundi fyrr millum teir badar, men tad er altid miseydnad. Vit gledast um at motmaelisgongurnar nu eru avblastar. Og at Koffi Annan er komin til landid at faa partarnar at tosa saman.

Handilslivid er aftur tad sama i Nairobi. Sjalvi skulu vit til Nairobi i vikuskiftinum fyri at leingja visum. Tad sigur so mikid sum at vit hava bara 3 mdr eftir fra i morgin.

Vid hjalp

I dag hava vit verid vid hjalp i Show gound. Vit govu: 60 teppi, 20 babyteppi, 50kg baby mat, 20kg sukur, 40 pk av te, 50kg ris, 50kg av bonum, 50 breyd og harafturat bind, blaedur og barnaklaedi.
Fleiri av flottunum voru kvinnur vid barn. Tad vil siga at fleiri hava att har a okinum. Tey hava 50 nydfodingar og tey hovdu onki at geva teimum.
Vit hava keypt hetta saman vid Malenu og Jens fyri pengar fra foroyingum sum hava flutt pening a konto i Eik. Vit hovdu trupulleikar vid tad at vit fingu skeivt kontonr. Men to hava vit havt moguleikan at hjalpt nogvum. Malena og Jens hava eisini verid fyrr vid ting fra somu konto.
Av ti at vit govu so storar nogdir, foru teir a lagri hja reyda krossi og vera ikki goumd a Showground, ti har er ikki nokk av lagur plassi.
Men samstundis, so fingu vit moguleika at siggja tad stora arbeidi reydi krossur ger. Vit foru so sjalvi nidan aftur a Showground vid onkrum sotum til bornini.
Si myndir a myndasavni.
Vit takka eisini hervid ollum, sum hava verid vid til at givid og gjort hetta moguligt.

Valkvøld

Her í Kenya hátíðarhalda vit valkvøldið. Tað verður við Banana brownies og ísi. Her fáa tit uppskriftina, so at tit eisini kunnu smakka hetta góðgæti:o)

Banana Brownies (valkøka)
225 g sukur
2 egg
75 g av myrkari sjokolátu
60g mjøl
100g knústar nøtur
½ dl mjólk
½ dl margarin
2 bananir
1. Blanda sukuri og eggini væl
2. Smeltað sjokolátuna yvir vantbað
3. Blandað restina uppí
4. Baka á 175 ̊C í 25 min. (í okkara ovni 55 min, sooo vita ikki heilt)
5. Kann etast saman við ísi.

Vónandi verður úrslitið vert at hátíðarhalda!! :o)

Mótmælisroynd í Nakuru

Vit vóru í býnum í dag. Alt gekk sína vanligu gongd. Vit gingu í ymsar handlar. Tá ið vit komu út úr einum handli sá tað út til at alt fólki hugdi ein veg, síðan runnu øll tann vegin. So hoyrdu vit eitt skot og so runnu øll hin veg, í móti okkum. Tá var tað, tað at Mike Brown, sum stillaði upp fyri ODM í Nakuru, royndi at mótmæla saman við nøkrum fáum øðrum. Tað vóru kanska uml. 10 fólk, sum gingu mótmælisgongu. Og øll hini vóru klár at fara í móti teimum. Men politiið ella herfólk var har og skutu so eitt skot í luftina, so fólki spjaddist. Vit fóru bara beinleiðis heim.
Ein blívur skelkaður av at hoyra eitt skot so nær við. Og alt fólki fór at renna, so tað er skjótt at alt fer í panik. Brádliga so hugsar man at man er mitt í øllum tí ein sær í sjónvarpinum.

Fólk siga nú, at ODM hevur kunngjørt at nú vera mótmælisgongur hvønn týs, miku -og hósdag.
Vit fara so at hyggja at tíðindunum kl. 21

Vedurlagsbroytingar

Ja vit vita ikki ordiliga um vit ikki kunnu loyva okkum at kalla tad sum fer fram her vedurlagsbroytingar. Januar plagar at vera heitasti mani her. So 12. januar, ta id Hallgerd hevdi fodingardag hildu vit at nu var summarid komid. 44 hitastig voru henda dagin. Men sidan tad hevur tad regna hvonn dag vid undantak av einum yvirskyggjadum degi. Og folka tosa um um regntidin er komin og hetta eigur at vera heitasti manadin. Vit skilja sera litid av hesum. Vit plaga at spyrja tey um skipanin er uti av lagi, og so flenna tey;o)

Annars vilja vit ynskja ollum eitt gott val og siga at vit hava langt sidan valt. ad gjordu vit adrenn vit foru. Vinarliga atkvod i okkara veljarakanning.

Mótmælisgongur

Í dag hava vit arbeitt heima vegna fráboðaðu mótmælisgongunum. Men her í býnum hevur verið sera friðarligt siga tey. Nógv politi og herfólk, men ongin ófriður. Tað bleiv sagt at handlarnir ikki skuldu hava opið, men so var ikki. So væntandi fara vit út í morgin.
Harafturímóti í Eldoret hevur tað verið øðrvísi, Birgitte úr Esbjerg, sum býr har ringdi og segði at tey eru heima, men at tey hoyra skot. Heilt til teirra hús hoyrast skotini. So tað eru rðuleikar summa staðni. Mest í Kisumu, Mombasa og Eldoret.

Mánadagin byrjaði Hallgerð undirvísing fyri tey børnini, sum eru frá 12 ár og upp eftir. Tað var fyrstu ferð, men tað gekk gott allíkavæl. Vit høvdu bøkur við úr Føroyum til at brúka. Tað var sindur rokaligt, tí tey spurdu um tey høvdu loyvi at skriva í bókina og síðan um tað skuldi vera við blýanti. Men eg fekk so sagt at tað var teirra bók, so tey vóru vælkomin at skriva alt tað tey kundu og við penni um tey høvdu hug.
Men í annaðkvøld verður so undirvísing aftur, so tað verður spennandi.